黑啤酒 Stout 尼個詞嚟自愛爾蘭，用嚟通稱濃郁口味嘅啤酒，而苦啤酒 Porte就係嚟自倫敦河岸搬運工經常飲嘅濃麥酒。之後 Stout 和 Porter 就成為咗重口味苦黑啤酒嘅名。兩者都係用烤焦大麥做原料，所以釀造出嘅啤酒呈現暗黑色。黑啤酒 Stout 有先苦後甘嘅口感，而苦啤酒 Porter 嘅苦感，比較似咖啡嘅苦味。

有黑啤自然就有白啤，白啤酒係指吾用大麥而用一種特定小麥嘅啤酒，呢種小麥生長響緯度比較高嘅地方，所以德國等地嘅白啤酒比較著名。呢種啤酒通常低苦味、清爽、而且有香料嘅氣味 。因為未經過濾，酒裡面嘅小麥蛋白同酵母造成略白同比較朦朧嘅外觀，所以被稱之為白啤酒，亦因為咁樣，所以有沉澱物係正常嘅情況。

起源於德國巴伐利亞 (Bavaria) 地區，響德國對於小麥啤酒有好嚴格嘅規定，稱為「純釀令」，釀造原料只可以有大麥芽、小麥芽、啤酒花、酵母同水，其中小麥嘅含量必須超過 50%，並且要用上層發酵嘅方式釀造。小麥啤酒通常有金黃嘅酒色同濃厚嘅泡沫頂蓋，口味微甜微酸，如果響飲用嘅時候搭配一塊橙或者檸檬，可以遮掩住酸味，而又更加顯現出酒質嘅甘甜！

IPA 雖然叫做印度淡啤酒 ，但絕對吾係由印度流傳或者製造。響18世紀嘅時候，英國啤酒商將啤酒運去印度，但係當年冷凍儲藏嘅技術未成熟，啤酒容易響途中變壞，因此一間酒商諗到加入大量有細菌作用嘅啤酒花，令啤酒嘅保存期可以延長，而呢一種配方改良就成為咗今日嘅 IPA。大部分 IPA都係用焦炭烘烤過嘅麥芽釀製，令到釀出嚟嘅啤酒顏色比較淡，啤酒花嘅香味和苦味更加濃烈。