啤酒二三事：Ale與Lager
夏日炎炎再加上四年一次嘅世界盃，同朋友聚埋一齊飲一杯凍冰冰嘅啤酒，絕對係人生最快活嘅事。但係日飲夜飲，你又係米真係知道自己飲緊咩野？
啤酒係世界上最悠久嘅發酵酒，亦都係最大眾化酒精飲料之一，啤酒花、米、玉米、高粱、馬鈴薯、澱粉、糖、焦糖，用以上一種以上原料加水進行發酵再經過過濾印製成。你以為咁就完？世界上千千萬萬種啤酒，當然吾係咁簡單就講得完嘅事喇！
愛爾啤酒(Ale) & 拉格啤酒(Lager)
啤酒最基礎嘅分類係按照釀造嘅工藝去區分，分別係上發酵(愛爾Ale)同下發酵(拉格Lager)。兩種技術嘅差別只係在於發酵嘅溫度同酵母工作嘅位置，上發酵啤酒酵母響發酵罐嘅頂端工作，溫度大約響15至24度，而下發酵啤酒酵母好明顯就係響發酵罐底部工作，溫度約響2至13度。
愛爾啤酒因為酵母響比較高溫嘅環境下活動，發酵嘅速度比較快，同時會產生比較多嘅發酵副產品，以酯類同酚類為主，酯類嘅出現可以令愛爾啤酒產生吾同花果嘅香氣，而酚類就可以為愛爾啤酒帶嚟丁香氣味。
拉格啤酒因為酵母響較低嘅溫度入面活動，溫低環境下發酵嘅速度比較和緩，並吾會產生太多酯類同酚類，所以亦會少咗愛爾啤酒所擁有嘅花果香味。
就味道而言，因為拉格啤酒碳酸含量比較豐富，飲起嚟酵母味比較淡，口感清涼潤喉，以啤酒花同麥芽風味為主；而愛爾啤酒嘅香氣、味道就比較有深度，一般嚟講會有比較豐富既水果香同香料嘅風味，但就品質管理而言比較繁複，成本都相對比較高。如果睇到呢到，無咁有想像力嘅人仍然未想像到兩者之間味道嘅分別，咁就快啲同朋友一齊去酒吧飲反兩杯上發酵啤酒同下發酵啤酒，或者你就會明白嫁喇。
