六大基酒之威士忌 Whisky
簡單解釋，「威士忌」就係所有用穀物做原料所製造出嚟嘅蒸餾酒嘅統稱。你以為只有用大麥做原料所製造出嚟嘅酒先係威士忌？錯！麥芽、玉米、大小麥呢啲原料，經過蒸餾、再放入橡木桶裡面陳年嘅烈酒，其實都可以叫做威士忌。
Whisky
威士忌蒸餾完之後都要存放入橡木桶裡面，因為橡木桶會釋放出物質入酒裡面，同時吸附酒嘅雜質，令威士忌更加香醇，隨著存放嘅時間越長，橡木桶會釋放出更多味道，令威士忌同其他味道融合，產生出吾同嘅口感。吾同嘅橡木桶、陳年嘅時間長短、製作嘅順序都會令威士忌產生木桶以外嘅味道，例如蜂蜜味、泥煤味、煙燻味、堅果味、花香味、木質味等等。
基本上，威士忌都係「混」出嚟，「單一麥芽威士忌」(Single Malt Whisky)都係「混」出嚟，指嘅係一間蒸餾廠入面，用發芽大麥製造出嚟既幾種酒，混合裝瓶所製造出嚟嘅威士忌；「調和麥芽威士忌」(Blended Malt Whisky)指嘅係用吾同酒廠所製出嚟嘅發芽大麥酒所混合出嚟嘅威士忌；人類所食嘅「穀物」都可以用嚟做威士忌，混合咗「麥芽」威士忌同「穀物」威士忌，而基酒又吾係同一間蒸餾廠嘅威士忌會被稱之為「調和威士忌(Blended Whisky)，調和威士忌嘅出現解決咗大麥產量同質量吾穩定嘅情況，口感都比起重口味嘅麥芽威士忌溫和，全球嘅威士忌市場，調和嘅佔咗95%，單一麥芽嘅只佔咗5%；市面上所見嘅威士忌都係混出嚟，就連單一麥芽威士忌都係同一間酒廠嘅威士忌去相混，但都有一種威士忌係可以比你飲到最原始嘅味道，呢個就係「單一桶威士忌」(Single Cask Whisky)，呢種酒強調嘅係每個桶最原始嘅味道，每桶酒嘅香氣、風味同顏色都係獨一無二，而只有味道最好嘅橡木桶先可以被首席調酒師認可，直接取出裝瓶推出單一桶威士忌，所以呢種原桶酒嘅產量係相當之少。
