六大基酒之龍舌蘭 Tequila
龍舌蘭原料係龍舌蘭？
龍舌蘭嘅原料係一種叫做Agave嘅植物，中文名就叫做龍舌蘭（當地人叫Maguey）。所以龍舌蘭酒嘅名字就跟著佢嘅原料一齊叫做龍舌蘭！有人會以為龍舌蘭係仙人掌嘅一種，但係其實龍舌蘭同百合嘅關係更加密切。釀酒嘅時候一般會用龍舌蘭嘅莖，就好似菠蘿肉嘅部位，當地人稱之為龍舌蘭嘅心臟，包含糖分，非常適合發酵釀酒。
Mezcal&Tequila
「戰爭民族嘅生命之水」
點解走咗個Mezcal出嚟？吾講你吾知，其實Mezcal先係龍舌蘭酒嘅總稱！所有用龍舌蘭心做原料發酵、釀造出嚟嘅蒸餾酒，其實都係Mezcal。咁Tequila到底係咩？只有在特定地區製造，用一種稱之為藍色龍舌蘭(Blue Agave) 嘅植物做原料所釀造嘅蒸餾酒先有資格被稱之為Tequila，所以基本上無論係製造地點、原料定係做法，Mezcal都比Tequila嘅範圍嚟得更廣泛，但目前法律規定最為嚴謹、品質最高嘅龍舌蘭酒，先可以稱之為Tequila。簡單嚟講，兩者嘅情況就好比氣泡酒同香檳，只有香檳區出產嘅汽泡酒只可以叫做「香檳」。
酒入面有蟲？
市面上某會有龍舌蘭酒入面加入咗幾隻蟲，呢啲酒其實並吾可以叫做Tequila，只可以叫做Mezcal，因為響墨西哥，Tequila係所有酒類之中法規最嚴格嘅酒類產品，而全球絕大多數嘅市場都會遵循墨西哥嘅相關法令嚟規範呢種酒類，Tequila係絕對吾允許放入幼蟲呢啲額外嘅添加物!
