六大基酒之琴酒 Gin
杜松子「 Genièvre」
1660年，大航海時代嘅末期，荷蘭人移居到熱帶嘅加勒比海栽種甘蔗然後運返歐洲販賣，但因為氣候原因，好多人染上「熱病」，當時具有利尿、解熱效果嘅「杜松子」就被視為醫治熱病嘅特效藥，荷蘭一位醫學教授為咗精煉杜松子製作出利尿劑，就將杜松子浸入酒精再蒸餾，雖然並無成功精煉出杜松子精華，但就誤打誤撞發明咗同樣具有治癒效果嘅「杜松子藥酒」，亦直接用杜松子嘅法文「Genièvre」嚟命名，後嚟響荷蘭流行起嚟，就開始被人用荷蘭文「Genever」嚟稱呼。
Gin
後嚟Genever流入英國，被英國人簡稱做Gin，而現今最常見嘅琴酒多數係「Dry Gin」。19世紀工業革命，製造出更高純度酒精飲料嘅機器出現，人將杜松子、芫荽(香菜)、茴香、歐當歸、白菖、肉桂、甘草各種香料植物加入琴酒，再進行蒸餾，呢種蒸餾所出嘅琴酒口感清爽、香氣清新、酒體亦比較純淨，為左同到原本嘅琴酒區別開，英國人就將呢種新式琴酒叫做「Dry Gin」。
琴酒嘅歷史用一句話嚟形容，就係「在荷蘭誕生、在英國茁壯，然後在美國發光」。1920年美國實施禁酒令，調酒就成為咗最可以掩人耳目嘅飲酒方式，無色嘅琴酒，響伏特加未引入美國嘅當時，係最好嘅基酒材料，於是琴酒就響美國民間迅速流行。
琴酒嘅歷史用一句話嚟形容，就係「在荷蘭誕生、在英國茁壯，然後在美國發光」。1920年美國實施禁酒令，調酒就成為咗最可以掩人耳目嘅飲酒方式，無色嘅琴酒，響伏特加未引入美國嘅當時，係最好嘅基酒材料，於是琴酒就響美國民間迅速流行。
如果將透明無色嘅烈酒依照個性嚟區分，由強至弱應該係龍舌蘭、琴酒、蘭姆酒到幾乎無個性嘅伏特加。琴酒嘅個性雖然比吾上威士忌或龍舌蘭，但亦吾係完全無個性，帶住藥草嘅香氣令琴酒響眾多烈酒中有一種獨特嘅氣質。
