酒知識|啤酒花吾係花?!
飲酒嘅人都聽過「啤酒花」,但又吾通個個都知咩係「啤酒花」咩?無論響啤酒介紹文或者酒瓶標籤成分,都吾難見到啤酒花,但其實啤酒花並吾係一種花,想知到底係咩?咁就要睇落去喇!
啤酒花又叫「蛇麻」(hops),屬於大麻科嘅一種草本植物,而釀造啤酒嘅部分就係上圖嘅「毬果」,因為係製作啤酒嘅一種原材料,所以自比人叫做「啤酒花」。
自有紀錄以嚟,釀造啤酒嘅歷史已經超過四千年,但點解啤酒花嘅使用紀錄就只有一千百年左右?到底人類點解會響製作啤酒嘅後期選擇加入啤酒花?
抗菌防腐、延長保存:呢個係一開始加入啤酒花嘅重要目的,利用佢防變質嘅特性避免啤酒變成「麥醋」。
添加苦味,令啤酒更加清爽解渴。
令酒變得更加澄清:啤酒花入面嘅鞣酸,響加熱麥芽汁嘅時候會同麥芽汁入面嘅蛋白質結合,之後就會分離除去,令酒質更加穩定。
賦予更多香氣:隨住啤酒工藝逐漸發展,啤酒花已經吾只係為咗上面三種用途,更係添加風味嘅一個重要原料。
依加你知道啤酒花其實真係吾係花喇!下次飲酒嘅時候不妨考下你嘅朋友,睇下佢又知吾知啤酒花到底有咩作用喇!