吾知你地有無聽過「飛泡」呢個詞呢？又吾知你地有無見過有人飲酒嘅時候，斟酒嘅時候會倒到個杯有半杯都係泡，得反半杯酒，呢個時候有啲人會想方設法倒走杯入面嘅泡，為求令杯入面「倒滿酒」。泡沫係啤酒嘅特徵之一，雖然泡沫入面只得25%啤酒，但吾講你吾知，無咗泡沫，原來反而令你嘅啤酒顯得黯淡無光！

 

啤酒泡沫，係酒入面嘅氣體響脫離酒液嘅過程中，吸附咗麥芽所提供的疏水性蛋白質同埋來自啤酒花嘅苦味成分─異構化α酸所形成。吾明？簡單嚟講，酒入面嘅各種香氣都會隨住氣體脫離酒液呢個過程而進入空氣，再簡單啲嚟講，有泡沫嘅啤酒，更香更有風味。

 

除左香味之外，響飲啤酒嘅時候飲埋泡沫，泡沫嘅質地都會影響到啤酒嘅口感，顆粒大嘅泡沫會令口感更刺激，相反就會令口感更錦密。

 

當然，並吾係要成個酒杯都係泡沫先係好，但又到底要點樣倒酒，先可以創造出大小適中、質地綿密又持久嘅泡沫呢？跟住下面嘅步驟試一試喇！