6月又迎嚟四年一度嘅世界盃，三五知己約埋一齊去酒吧或者大排檔或者火鍋店，一邊「啤一啤」一邊睇波，已經吾再係男人嘅專利，距離世界盃開賽越嚟越近，就越常聽到身邊吾少人相約一齊去睇波、一齊飲兩杯。除左Cocktail之外，其實女士們都可以好似男士們一樣「啤一啤」，今次就介紹五種女士可以一試嘅啤酒！
福佳白啤酒 (Hoegaarden)
01
Hoegaarden 係比利時嘅啤酒品牌之一，以專門製作傳統風味嘅比利時白啤酒而聞名，響製作嘅輔料中添加咗陳皮同芫荽，令啤酒甜中帶酸，帶有濃厚嘅香氣同獨特嘅口感，作為小麥啤酒，入口低苦味，對女士嚟講非常容易入口。
怡樂仙地檸檬啤酒 (Jolly Shandy)
02
由世界第四大啤酒製造商嘉士伯(Carlsberg)出品，Jolly Shandy 可以話係港澳女士們較為熟悉嘅一款啤酒，憑住獨特嘅檸檬清新口味受到年青一族嘅支持，味道吾會太甜，檸檬味完全蓋過酒味，低醇低酒精度數對於再不勝酒力嘅女士嚟講，絕對係吾錯嘅選擇。
德國卡力特大麥黑啤(Köstritzer)
03
想感受好似男士咁大口肉大口酒嘅豪邁，走女漢子風格嘅女士，小麥啤酒顯得失咗氣勢？咁不如試下黑啤喇！Köstritzer 黑啤嘅泡沫濃厚，突出麥芽香同芽焦嘅香氣，口感醇厚，當中又帶有一絲絲甜味，基本上無苦澀感，再加上世界盃嘅到嚟，足球配黑啤真係夾到不能再夾！
蕾曼水果啤酒(Liefmans Fruitesse)
04
好似香檳一樣嘅口感，但又有啤酒嘅渾厚感，獨特又清新的水果味，入面有士多啤梨、覆盆子、車厘子嘅香氣，回味嘅時候又可以感受到少少焦糖嘅味道，清爽得嚟又吾會太過甜膩嘅水果啤酒，亮紅色加入玻璃杯裡面，夏日炎炎望一眼都足以透心涼！
喜力 (Heineken Light)
05
港澳地區最常飲嘅啤酒之一就係喜力，但個個都飲喜力，吾通個個都飲得咩。呢個時候你就可以叫一支喜力LIGHT，比起深受大眾喜愛嘅喜力降低咁酒精含量，只有3.3%嘅度數，製造嘅時候加兩次啤酒花，平衡咁啤酒本身嘅苦味，同時又令啤酒出現一種獨特嘅清香，淡花果香味加上低酒精，女士們真係可以試一試！
