六大基酒之伏特加Vodka
基酒到底係咩？基酒就係調酒時，當作基礎、基底嘅酒。普遍用到嘅基酒包括：伏特加(Vodka)、琴酒(Gin)、蘭姆酒(Rum)、龍舌蘭(Tequila)、威士忌(Whisky)、白蘭地(Brandy)。今日就會介紹當中「最大特色就係無特色」嘅伏特加(Vodka)!
「戰爭民族嘅生命之水」
伏特加係一種蒸餾白酒，名字Vodka源自於「Voda」，意思係水，而再更深入探究，就有「生命之水」嘅意思。其實蒸餾嘅過程同早期嘅鍊金術有關係，蒸餾者認為酒精就係農作物嘅靈魂，而越純淨嘅酒體，越接近靈魂嘅原始面貌。釀造嘅來源最常見係馬鈴薯、黑麥或者小麥，想要品質更好至少要經過三次以上嘅蒸餾，再用活性炭過濾，咁樣制成嘅伏特加會更高品質、更純淨。
「伏特加嘅特色，就係無特色」
伏特加經過多次蒸餾再加活性碳過濾，原本嘅農作物風味幾乎已經完全消失，所以風味上嚟講，可以話係完全無風味、無個性。但響發揮創意嘅層面嚟講，無個性正正就變成特色，加橙汁可以變成橙汁味嘅酒螺絲起子(Screwdriver)，酸中帶甜嘅口感非常容易入口，搭配鮮奶油又可以變成白俄羅斯(White Russian)，無論係夏天嘅鮮榨西瓜汁、冬天嘅熱咖啡，都可以加一小杯伏特加入去，隨時隨地隨心情調制一杯屬於自己嘅酒。
同其他基酒吾同，伏特加靈活度極高，無論搭配任何飲料都可以令其大放異彩，處理得好嘅伏特加可以完全將酒精味隱藏，當一杯接一杯飲落肚，一吾小心就會醉到不省人事。
